बिर्तामोड २८, वैशाखः नेकपा एकीकृत समाजवादीका उपाध्यक्ष जगन्नाथ खतिवडाले २०८४ को चुनावमा नेकपा एमालेसँग अपमानको बदला लिने बताउनु भएको छ ।
आफूहरू राष्ट्रिय पार्टी नहुँदा एमालेले अपमान गरेको जनाउँदै उपाध्यक्ष खतिवडाले त्यसको बदला ८४ को चुनावमा लिने बताउनु भयो ।
नेकपा एकीकृत समाजवादी झापाको दशौँ जिल्ला अधिवेशनलाई सम्बोधन गर्दै उपाध्यक्ष खतिवडाले यस्तो धारणा व्यक्त गर्नु भएको हो ।
‘बेलुन जस्तो फुलेको एमालेलाई समाजवादीको सियोले घोचेपछि के हुन्छ साथीहरू’ कार्यक्रममा खतिवडाले भन्नुभयो ।
नेता खतिवडाले कतिपय नेता कार्यकर्ता आफूले भने अनुसारको पद नपाए एमाले छँदैछ नि भनेर बसेको प्रति आक्रोश व्यक्त गर्नु भयो ।
उहाँले सहमति र सहकार्यका आधारमा नेतृत्व चयनमा लाग्न नेता कार्यकर्तालाई निर्देशन पनि दिनु भएको छ ।
