लन्डन, ३० जेठः एयर इन्डियाको एक विमानमा बम भएको हल्ला फैलिएछि आकस्मिक अवतरण गरिएको छ। हिन्दुस्तान टाइम्सका अनुसार १५६ जना यात्रु बोकेको विमान दिल्ली उड्नासाथ बेला बमको सूचना दिइएको थियो ।
अहिले विमान थाइल्यान्डमा राखेर चेकजाँच गरिएको हिन्दुस्तान टाइम्सले जनाएको छ । समाचारमा उल्लेख गरिएअनुसार अहिलेसम्म बम भए–नभएको केही पुष्टि हुन सकेको छैन ।
विमानभित्र अहिले खानतलासी भएको जनाइएको छ । भारतमा पछिल्लो महिना भारतीय विमान कम्पनीहरुमा बम राखिएको हल्ला निकै फैलिएको छ । पहिला १० महिनामा एक हजार फोन तथा म्यासेज यसैगरी आएका थिए जुन सन् २०२३को तुलनामा १० गुणा बढी थियो ।
हिजोमात्रै अहमदाबादमा भएको दुर्घटनामा २४१ जना यात्रुसहित कम्तिमा पनि २९० जनाको मृत्यु भएको थियो । विमान एक होस्टलको छतमा खस्दा त्यहाँ रहेका कम्तिमा पनि ४९ जनाको मृत्यु भएको थियो ।
