झापा, १९ साउन: लागुऔषध ओसारपसार तथा बिक्री गरेको आरोपमा झापाको शिवसताक्षी नगरपालिका-५ सालडाँगीबाट दुई युवा पक्राउ परेका छन् ।
गोप्य सूचनाका आधारमा आइतबार राति इलाका प्रहरी कार्यालय शिवगञ्ज र झिलझिलेबाट खटिएको संयुक्त प्रहरी टोलीले राजेन्द्र कुमार ताजपुरियाको घरमा छापा मारेको थियो । चेकजाँचका क्रममा ताजपुरियाको कोठामा शिवसताक्षी-४ का २१ वर्षीयका अजय ताजपुरियालाई समेत लागुऔषध बिक्रीका लागि तयारी गर्दै गरेको अवस्थामा फेला पारिएको प्रहरीले जनाएको छ।
प्रहरीका अनुसार उनीहरूको साथबाट ब्राउनसुगरजस्तो देखिने लिसाइला पदार्थ प्लास्टिकसहित १५ ग्राम २३ मिलिग्राम र प्लास्टिकबाहेक ८ ग्राम बरामद गरिएको छ ।
लागुऔषधसहित दुवै जनालाई नियन्त्रणमा लिई इलाका प्रहरी कार्यालय झिलझिलेलाई जिम्मा दिइएको छ। घटनाबारे थप अनुसन्धान जारी रहेको जिल्ला प्रहरी कार्यालय झापाले जनाएको छ ।
