झापा, २० भदौ: झापाका दुई फरक स्थानबाट लागूऔषध ब्राउन सुगरसहित पाँच जनालाई प्रहरीले पक्राउ गरेको छ।
भदौ १९ गते कमल गाउँपालिका–५ मा विशेष सूचनाको आधारमा इलाका प्रहरी कार्यालय दमकबाट खटिएको टोलीले ५ ग्राम १७ मिलिग्राम ब्राउन सुगरसहित तीन जनालाई पक्राउ गरेको हो। पक्राउ पर्नेमा मोरङ, विराटनगर–८ का भोला अमात राय, भारत बिहारका आलम खान र दमक–७ का राजिव मण्डल छन्।
यस्तै, मेचीनगर नगरपालिका–६ मा इलाका प्रहरी कार्यालय काँकरभिट्टाबाट खटिएको टोलीले १ ग्राम ८५० मिलिग्राम ब्राउन सुगरसहित अर्जुनधारा नगरपालिका–६ का प्रकाश विश्वकर्मा र बुद्धशान्ति गाउँपालिका–४ का अशोक विश्वकर्मालाई पक्राउ गरेको छ।
पक्राउ परेका सबै व्यक्तिमाथि लागूऔषध सम्बन्धी मुद्दामा अनुसन्धान जारी रहेको प्रहरीले जनाएको छ।
