काठमाडौं, २२ भदौः भाद्र शुक्ल पूर्णिमाका दिन आज खग्रास चन्द्रग्रहण लाग्दै छ । यो २०८२ सालको पहिलो चन्द्र ग्रहण हो ।
नेपाल पञ्चांग निर्णायक विकास समितिका अनुसार आज राति १० बजेर ११ मिनेटमा स्पर्श हुने चन्द्रग्रहण ११ बजेर ५६ मिनेटमा मध्य हुनेछ । यसैगरी १२ बजेर ३८ मिनेटमा उन्मीलन तथा राति १ बजेर ४१ मिनेटमा मोक्ष हुने बताइएको छ ।
शास्त्रीय मान्यताअनुसार आज दिउँसो १ बजेर ११ मिनेटदेखि बालबालिका, वृद्ध र बिरामीबाहेक अरूलाई भोजन निषेध गरिएको छ ।
चन्द्रग्रहणको अवधिमा मन्त्र जप, दान, स्नान गर्नुलाई राम्रो मानिन्छ भने सुत्ने, खाने, मैथुनलगायतका कार्यलाई बर्जित गरिएको छ ।
चन्द्र ग्रहणको फल कुन राशिलाई कस्तो ?
मेष– लाभ
वृष– सुखम्
मिथुन– माननाश
कर्कट– कष्टम्
सिंह– स्त्रीपीडा
कन्या– सौख्यम्
तुला– चिन्ता
वृश्चिक– व्यथा
धनु– श्रीप्राप्ति
मकर– क्षति
कुम्भ– घात
मीन– व्यय
