बिर्तामोड । पशुपालन व्यवसायमा आवद्व रहेका कृषकहरुको लागि बिर्तामोडमा आयोजित तालिम सम्पन्न भएको छ ।
बिर्तामोड नगरपालिकाको पशुपंछि तथा मत्स्य विकास शाखाले जेठ २३ गतेदेखि आयोजना गरेको विभिन्न प्रकारका ३ वटा तालिम आज सम्पन्न भएको हो । नगरपालिकाले व्यवसायिकरुपमा बाख्रा पालन, गाई पालन र पशु आहार व्यवस्थापन साइलेज, हे र मिनिरल ब्लक बनाउने तालिम सञ्चालन गरेको थियो । गाई, बाख्रा पालन सम्बन्धि एक एक दिन र पशु आहार व्यवस्थापन सम्बन्धि दुई दिन तालिम सञ्चालन गरीएको शाखा अधिकृत सावित्रा दाहालले जानकारी दिनु भयो ।
तालिम समापन कार्यक्रममा बोल्दै नगर प्रमुख पवित्रा महतारा प्रसाईले तालिममा सिकेका कुरालाई वेवास्था नगरी हुवहु कार्यान्वयन गर्न सहभागीलाई आग्रह गर्नु भयो । आधुनिक तवरले पशुपालन व्यवसाय सञ्चालन गर्नु पर्ने भन्दै उहाँले यस तालिममा छुटेकाहरुलाई आगामी कार्यक्रममा सहभागी गराउने बताउनु भयो ।
बिर्तामोड नगरपालिकाले व्यवसायिक रुपमा कृषि तथा पशु पालन गर्दै आएका कृषकहरुको लागि विभिन्न प्रकारका सहयोग उपलव्ध गराउँदै आएको छ ।
