काठमाडौं, १३ मंसिर। चलचित्र ‘काजी’को प्रदर्शन मिति तय भएको छ । फर्स्ट लुक सार्वजनिक गर्दै निर्माण टिमले प्रदर्शन मिति पनि तय गरिएको हो ।
लक्ष्मण रिजालको निर्देशन रहेको ‘काजी’ चैत २७ गतेबाट प्रदर्शनमा आउने भएको छ । सार्वजनिक फर्स्ट लुकमा चलचित्रका मुख्य कलाकार विपीन कार्की हुनुहुन्छ । उहॉंलाई युवावयमा प्रस्तुत गरिएको छ ।
पोस्टरमा केकी अधिकारी पनि हुनुहुन्छ । उहॉंलाई विपीनसँग खाना खाइरहेको देखाइएको छ ।
पोस्टरले सिनेमाको जानरा पारिवारिक लभस्टोरी रहेको संकेत गरेको छ । विपीन र केकीसँगै चलचित्रमा गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपानेलगायत कलाकारको अभिनय छ ।
रामप्रसाद रिजालले निर्माण रहेको चलचित्रमा प्रदीप भारद्धाजले लेख्नुभएको छ । चलचित्रलाई चिन्तन राजभण्डारीले खिच्नुभएको हो भने सम्पादक विपीन मल्ल रहेको चलचित्रको कार्यकारी निर्मातामा असिम काफ्ले हुनुहुन्छ । निर्माता नेहान रिजाल, विकाशराज जोशी रहनुभएको छ ।
