बिर्तामोड । नेकपा एमाले झापाले स्थानीय तहहरुलाई कर वृद्धि नगर्न आग्रह गरेको छ । केन्द्र सरकारको कारण हरेक क्षेत्रमा दुख पाइरहेका जनतालाई थप दुख नदिन एमालेले आग्रह गरेको हो ।
आज पार्टीको धारणा सार्वजनिक गर्दै नेकपा एमाले झापाले नागरिकको चरम असहमति समेत देखिएकाले तत्काललाई कर वृद्धि नगर्न आग्रह गरेको छ ।
‘कर वृद्धि नगर्नु, वृद्धि गरिएको करमा पुनरावलोकन गर्नु’ एमालेले भनेको छ ।पाँच बुँदे धारणा सार्वजनिक गर्दै एमालेले कोभिड महामारी र आर्थिक मन्दीबाट गुज्रिएका नागरिकलाई करले थप तनाव दिएको भन्दै त्यसलाई सच्याउन आग्रह गरेको हो ।
केन्द्र सरकारले स्थानीय तहहरुमाथि ज्यादती गरिरहेको र संघीयताको भावना र मर्म अनुरुप काम गर्न समेत नदिएको बेला कर वृद्धि गर्नु पालिकाको बाध्यता भए पनि यो बेला उचित नभएको एमालेको ठहर छ ।
