फिलिपिन्स, २३ पुस: फिलिपिन्समा बुधबार बिहान ६.७ म्याग्निच्युडको भूकम्प गएको छ । अमेरिकी भूवैज्ञानिक सर्वेक्षण (यूएसजीएस)का अनुसार भूकम्पको केन्द्र सान्टियागो नजिकै रहेको छ ।
यूएसजीएसले भूकम्पको म्याग्निच्युड ६.४ पनि उल्लेख गरेको छ, जसको केन्द्र सहरबाट करिब २७ किलोमिटर पूर्वमा छ ।
भूकम्पपछि प्रशासनले अहिलेसम्म कुनै सुनामी अलर्ट जारी नगरिएको स्पष्ट पारेको छ । ब्याकोल्कोलले बुधबारको यो भूकम्पबाट सुनामीको चेतावनी जारी हुने सम्भावना नरहेको बताए ।
भूकम्पको केन्द्रबिन्दु नजिकका प्रहरी र विपद् अधिकारीहरूले भूकम्पबाट क्षति वा घाइतेको तत्काल कुनै जानकारी नआएको बताएका छन् ।
“यो त्यति शक्तिसाली थिएन, तर मानिस बाहिर दौडिए,” हिनातुआनका स्थानीय प्रहरी प्रमुख जोई मोनाटोले भने ।
फिलिपिन्स प्रशान्त महासागरको ‘रिङ अफ फायर’ क्षेत्रमा अवस्थित छ, जहाँ टेक्टोनिक प्लेटहरूका कारण भूकम्पीय गतिविधिहरू भइरहन्छ । यहाँ ठूलो भूकम्प आउनु सामान्य हो ।
