काठमाडौं । नेपाली राष्ट्रिय महिला फुटबल टिमकी कप्तान सावित्रा भण्डारी ‘साम्बा’ ले घुँडाको गम्भीर चोटको उपचारका लागि आर्थिक सहयोगको अपिल गर्नुभएको छ ।
सामाजिक सञ्जालमार्फत उहॉंले जटिल शल्यक्रियाका लागि करिब ८० हजार अमेरिकी डलर खर्च लाग्ने जानकारी दिनुभयो ।यसअघि एसीएल शल्यक्रिया गरिएको घुँडामा हालिएको ग्राफ्ट र एमसिएल दुवैमा गम्भीर चोट लागेकाले पुनः जटिल शल्यक्रिया आवश्यक भएको उहॉले बताउनुभयो।
उहॉंले उपचारका लागि एन्फा र सरकारबाट अपेक्षित सहयोग नपाएको गुनासो गर्नुभएको छ । एन्फा नेतृत्वबाट वाचा गरिएको सहयोग पनि प्राप्त नभएकाले शल्यक्रिया प्रक्रिया ढिलाइ हुनेबताउनुभयो । घुँडाको एसीएल र एमसीएलमा गम्भीर चोट लागेपछि अस्ट्रेलियन शीर्ष डिभिजन लिग खेल्न न्युजिल्यान्ड गएकी सावित्रा गत सात हप्तादेखि मैदानबाहिर छिन् ।
