सप्तरी, २२ फागुन । सप्तरीका ४ वटै निर्वाचन क्षेत्रको मतगणनाको तयारी सुरु भएको छ । बिहीबार राति अबेरसम्म मतपेटिका सङ्कल भएको हुँदा शुक्रबार बिहान मतगणनाको तयारी सुरु गरिएको हो ।
सप्तरीको चार वटै निर्वाचन क्षेत्रमा बिहान सर्वदलीय बैठक बोलाएको र बैठकपछि मतगणना सुरु हुने मुख्य निर्वाचन अधिकृत किशोर घिमिरेले जानकारी दिनुभयो ।
शुक्रबार सम्पन्न सदस्य निर्वाचनमा सप्तरीमा ५६ दश्मलव २५ प्रतिशत मत खसेको थियो । जिल्लाको चारवटै निर्वाचन क्षेत्र गरी पुरुष १ लाख १४ हजार ८ सय ६८ र महिला १ लाख ३४ हजार ९ सय ७ र अन्य ३ गरी २ लाख ४९ हजार ७ सय ७८ मतदाताले मतदान गरेको मुख्य निर्वाचन अधिकृतको कार्यालयले जनाएको छ ।
