झापा । पहिचानबादीको नाममा मेडिकल व्यवसायी दुर्गा प्रसाईका कार्यकर्ताले आज उदण्ड मच्चाएका छन् ।
एमाले पोलिटव्युरो सदस्य महेश बस्नेत सहभागी राष्ट्रिय युवा संघ नेपालको अर्जुनधारा नगर कमिटी अधिवेशन स्थल बाहिर उनीहरुले पार्किङमा राखिएका दर्जनौँ गाडी तोडफोड गरे ।
सानो संख्यामा भेला भएका पहिचानवादीको भिडमा मिसिएका प्रसाईका कार्यकर्ताहरु प्रहरीलाई ढुंगा हान्ने, गाडी तोडफोड गर्ने लगायतका काममा दिनभर सक्रिय रहे । उनीहरुले एमाले नेता बस्नेतले भाषण गरिरहेको मौका छोपेर बाहिर रोकेर राखिएका गाडी तोडफोड गरेका हुन् ।
गाडी तोडफोड गर्ने प्रसाईका कार्यकर्ता बिक्रम सुव्वा पक्राउ परेका छन् । उनले गाडी फुटाउँदै गरेको अवस्थामा प्रहरीले नियन्त्रणमा लिएको हो।
फेसबुकमा स्टाटस लेख्दै एमाले नेता बस्नेतले दुर्गा प्रसाईका पाखण्डीहरुले गाडी तोडफोड गरेर कायरता प्रर्दशन गरेको बताउनु भएको छ। नेता बस्नेतले युवा संघले यसको हिसाब किताब गर्ने चेतावनी समेत दिनु भयो ।
कार्यक्रममा एमाले नेता बस्नेतसंगै राष्ट्रिय युवा संघ नेपालका अध्यक्ष क्षितिज थेबे पनि सहभागी हुनुहुन्थ्यो ।
राष्ट्रिय युवा संघ नेपालका केन्द्रिय सदस्य राज आङ्देम्बेले गाडीको सम्पुर्ण क्षतिपुर्ती दुर्गा प्रसाईले लिनु पर्ने बताउनु भयो । प्रसाईले माफी माग्नु पर्ने बताउँदै उहाँले अन्यथा प्रसाईको हरेक गतिविधिमा युवासंघले अवरोध गर्ने बताउनु भयो । तोडफोडबाट १३ वडा गाडीमा क्षति पुगेको छ ।
घटना स्थलमा नाङ्गो खुकुरीसमेत फेला परेको आङ्देम्बेले जानकारी दिनुभयो ।उनीहरुले गाडीको टायरमासमेत खकुरीले हानेको जनाइएको छ।
