झापाका पुराना व्यावसायिक प्रतिष्ठान रामप्रसाद पवनकुमारका सञ्चालक राजकुमार अग्रवाल भद्रपुरेको निधन भएको छ।
भद्रपुरेको ७२ वर्षको उमेरमा आइतबार बिएन्डसी हस्पिटलमा उपचारको क्रममा भएको हो । झापा उद्योग वाणिज्य संघ भद्रपुरको पूर्वअध्यक्ष, भद्रपुर गौशालामा सचिव लगायत अन्य सामाजिक, शैक्षिक संघ संस्थाहरूमा महत्त्वपूर्ण भूमिका निर्वाह गरी सक्नु भएका अग्रवाललाई रक्तचाप र मुटु सम्बन्धी समस्या रहेको थियो।
अग्रवालका ४ छोराहरू, मनोज नेपाल रेडक्रस सोसाइटी, बिर्तामोड उपशाखाको सभापति र रोटरी क्लब अफ बिर्तामोड मीड टाउन को जिम्मेवारीमा हुनु हुन्छ।
माईला छोरा सञ्जय , मारवाडी सेवा समिति बिर्तामोडको कार्य समिति सदस्य मा , साँईलो अजय , लायन्स क्लब अफ दमकको पूर्व अध्यक्ष तथा विभिन्न सामाजिक संघ संस्थाहरूमा सक्रिय छन् भने कान्छो विनय व्यावसायिक फर्म विनायक ईन्टरप्राईजेजका सञ्चालक हुन् ।
अग्रवालका दाजु भाइहरू र भतिजाहरूमा राम अवतार, डा पवनकुमार (कनाडा) र सामाजिक व्यक्तित्व सुरेशकुमार अग्रवाल भद्रपुरे , सञ्चारकर्मी सन्तोष अग्रवाल , चार्टर्ड एकाउन्टेन्ट सुशील अग्रवाल समेत गरी २९ नाति नातिनी र पनातिहरू रहेका छन।
