झापा । बिर्तामोडमा ईन्टरनेटका अव्यवस्थित तार हटाउन सुरु गरिएको छ ।
बिजुलीको पोलमा जथाभावीरुपमा रहेका तार व्यवस्थित गर्न नगरपालिकाले पटक पटक सूचना जारी गर्दापनि वेवास्था भएपछि वडा नम्बर ५ ले हटाउन सुरु गरेको हो ।
आज शनिस्चरे रोड स्थित पुरानो एभरेष्ट बैंक अगाडि रहेको पोलको टिभी केवल तार र नेपाल टेलिकम लगायत विभिन्न ईन्टरनेट कम्पनीका तार काटिएको छ ।
नगरपालिकाले २०७९ साल पौष २० गते टिभी केवल तथा ईन्टरनेटका तार व्यवस्थापनका लागि ३५ दिने सूचना जारी गरेको थियो ।
बिर्तामोड नगरपालिकाका नगर उप प्रमुख नगेन्द्र प्रसाद संग्रौलाले पटक पटक छलफल गर्दा पनि व्यवस्थापन गर्न नमानेपछि हटाउन थालिएको बताउनु भयो ।उहांले आईतबारदेखि सबै क्षेत्रमा काट्नेसमेत जानकारी गराउनु भएको छ ।
बिर्तामोडका मुख्य सडकमा रहेका बिजुलीको पोलमा अव्यवस्थित रुपमा राखिएको टिभी केवल, टेलिफोन र ईन्टरनेटका तारले बजारनै कुरुप देखिनुकासाथै आगोलागीका घटनासमेत हुंदै आएको छ ।
