बिर्तामोड, ०४ माघ । झापाका ढुवानी व्यवसायी निर्मल खत्रीले बिर्तामोडका विपन्न परिवारका बालबालिकालाई स्वीटर वितरण गर्नु भएको छ । आज विहान उहाँले बिर्तामोड–३ का दुई वटा वस्तीमा पुगेर स्वीटर वितरण गर्नु भएको हो । 
पूर्वेली ढुवानी सेवा बिर्तामोडका सञ्चालक खत्रीले ३ नं. को विराटपोखर र उन्नति रंगशाला टोलमा पुगेर स्वीटर वितरण गर्नुभयो। उहाँनले एक सय जना सन्थाल बालबालिकालाई चिसोयाममा स्वीटर वितरण गरेको जानकारी दिनुभयो ।
नेकपा एमाले बिर्तामोडका अध्यक्ष सुवास भट्टराई, वडा नं. ३ का वडाध्यक्ष मदन बुढाथोकी, नेकपा एमाले वडा नं. ३ का अध्यक्ष कुमार बुढाथोकी, कांग्रेस ३ नं. का सभापति प्रेम उप्रेती, माओवादीका तुलसी ढकाल, वडासदस्य हरि बाँस्कोटा, युवा व्यवसायी समाजसेवी पदम श्रेष्ठसहित स्थानीय अगुवाहरुको सहभागितामा वितरण गरिएको थियो ।
मजदुरी गरेर जीवीकोपार्जन गर्ने परिवारमा पुगेर स्वीटर वितरण गर्न पाउँदा खत्रीले खुशी व्यक्त गरेका छन् । उहाँले आगामी दिनहरुमा पनि यस प्रकारका सेवालाई निरन्तरता दिने बताउनु भयो ।
लाभान्वितका अभिभावकहरुले पूण्य कर्म गरेकोमा खत्रीलाई धन्यवाद दिएका छन् ।
