पाँचथर, १० माघ : पाँचथरको फालेलुङ-५ लुमाङदिनस्थित सन्दिप राईको घर नजिकै कच्ची सडकमा पिकअप गाडी चिप्लेर कटेरोमा पस्दा गाई मरेको छ ।
रोकी राखिएको मे १ च ३०६५ नम्बरको पिकअप बुधबार बिहान ९ बजेतिर चिप्लेर कटेरोभित्र पस्दा माउ गाई मरेको हो । गाडीको ठक्करबाट दुईवटा बाच्छासमेत घाइते भएको जिल्ला प्रहरी कार्यालय पाँचथरले जनाएको छ ।
पिकअप सडकदेखि २० मिटर तल झरेको थियो । पिकअप फालेलुङ-४ का रामकुमार राईले चलाउने गर्थे ।
