ट्विटरका मालिक एलन मस्कले संस्थाको प्रमुखमा आफू रहने वा नरहेन भन्ने निर्क्यौलका लागि पोल गर्नु भएको छ ।
ट्विटरको पोल सुविधाको प्रयोग गर्दै मस्कले प्रयोगकर्तालाई मतदानका लागि अपिल गर्नु भएको हो । त्यसको नतिजा आफूलाई स्वीकार्य हुने उनले बताएको रोयटर्सले जनाएको छ।
ट्विटर खरिद गरेयता मस्क विवादित बन्दै आउनु भएको छ । आधिकारिक ट्विटर ह्याण्डल संकेत गर्ने ‘ब्लु ब्याच’ का लागि पैसा तिर्नुपर्ने निर्णयदेखि कर्मचारी कटौतीसम्मका मस्कका योजना विवादित बन्दै आएका छन्। मस्कले ट्विटरबाट ७ हजार ५ सय कमर्चारी कटौतीको योजना बनाउनु भएको थियो ।
