बिर्तामोड, २२ कात्तिक : बिर्तामोड ८ प्याकुरेल चोक निवासी शिव गौतमको घरमा आगलागी भएको छ ।
आज राति ८ः२० बजे गौतमको एकतले पक्की घरमा आगो सल्किएर भान्सामा रहेका ३ वटा ग्यास सिलिन्डर विष्फोट भएको हो । आगलागीबाट छिमेकी मोहन तिम्सिनासहित तीनजना घाइते भएका छन् । तिम्सिनालाई उपचारका लागि ओम साई पाथीभरा अस्पताल भद्रपुर लगिएको छ । आगलागीबाट एउटा स्कुटरसमेत जलेर नष्ट भएको छ । आगलागीको कारण थाहा हुन सकेको छैन ।
उक्त आगलागी बिर्तामोड र भद्रपुर नगरपालिकाको दमकलले राति ९.५ बजे नियन्त्रणमा लिएका छन् । आगलागीबाट करिब ७ लाख बराबरको क्षति भएको जनाइएको छ ।
