बिर्तामोड, १९ मंसिर : आजदेखि झापाको बिर्तामोडमा 'झापा कप' सुरु हुँदैछ ।
बिर्ताबजार स्थित डोमालाल राजवंशी रंगशालामा झापा ११ फुटबल क्लबले आयोजना गरेको यस प्रतियोगिताको उद्घाटन
दिउँसो २ बजे कोशी प्रदेशका मुख्यमन्त्री हिक्मत कार्कीले गर्ने क्लबका अध्यक्ष जलकुमार गुरुङले जानकारी दिनुभयो।
प्रतियोगिताको विजेताले नगद १० लाख, ट्रफी, मेडल र प्रमाण पत्र पाउनेछ । उप-विजेताले नगद ५ लाख, ट्रफी, मेडल र प्रमाणपत्र पुरस्कार प्राप्त गर्ने छ । उद्घाटन खेलमा त्रिभुवन आर्मी फुटबल क्लब र एलएक्स सिटी मोरङबीच प्रतिस्पर्धा हुनेछ ।
प्रतियोगितामा सिराहाको सलहेस युवा क्लब, काठमाडौँको एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी हुने भएका छन् ।
त्यस्तै, दार्जिलिङको जिटिए, काठमाडौँ जिल्ला लिग च्याम्पियन चित्लाङ फुटबल क्लब, रुपन्देहीको गोर्खा ब्वाइज स्पोट्र्स क्लब र झापा ११ सहभागी हुने भएका छन् । प्रतियोगिताको फाइनल खेल पुस ८ गते हुनेछ ।
