काठमाडौ, १४ माघ : नेकपा एमाले निकट रिब्दिकोट काठमाडौ सम्पर्क मञ्चको आयोजनामा माघ १९ गतेदेखि 'इन्डोर क्रिकेट प्रतियोगिता' हुने भएको छ ।
पाल्पाका १० वटा पालिकालाई समेटेर काठमाडौको इमाडोल स्थित ग्रेट हिमालय क्रिकेट एकेडेमीमा पालिका स्तरीय इन्डोर क्रिकेट प्रतियोगिता (WRI T10 LEAGUE ) हुने भएको हो ।
प्रतियोगितालाई काठमाडौं नयाँ बानेश्वरमा रहेको डब्लू. आर. आइ एजुकेशन कन्सल्टेन्सीले मुख्य प्रायोजन गरेको सम्पर्क मञ्चका अध्यक्ष कमल प्रसाद पाण्डेले जानकारी दिनुभयो । यस्तै काठमाडौंमा नै रहेको गेट सेट गो कन्सल्टेन्सीले सह-प्रायोजन गरेको छ ।
प्रतियोगितामा पाल्पाका कुनै पनि समुहले भाग लिन सक्ने मञ्चका उप-सचिव गौरब पाण्डेले बताउनु भयो । खेलको माध्यमबाट युवाहरुलाई एकतावद्द गर्नको लागि प्रतियोगिताको आयोजना गरीएको मञ्चका अध्यक्ष पाण्डेले बताउनु भयो ।
प्रतियोगिताको विजेताले आकर्षक पुरस्कार तथा ट्रफी प्राप्त गर्ने आयोजकले जनाएको छ ।
