काठमाडौँ, १४ फागुन: अभिनेता केदार घिमिरे स्टारर फिल्म ’माग्ने राजा’ आगामी हरितालिका तीजमा प्रदर्शनमा आउने भएको छ । फेसबुक मार्फत माग्ने बुढाले आफ्नो फिल्म उक्त मितीमा आउने जानकारी गराउनु भएका हो।
’आशिर्वाद दिनुहोला, तीजमा प्रदर्शनमा आउँदैछ’ हाल जेरी अनटपको छायाँकनमा व्यस्त कलाकार घिमिरेले लेख्नुभएको छ । फिल्मलाई ऋषि लामिछानेले निर्देशन गर्ने जनाइएको छ । फिल्ममा केदार घिमिरे (माग्ने बुढा), आर्यन सिग्देल, वर्षा शिवाकोटी, विल्सनविक्रम राई, र शिशिर वाङ्देलको अभिनय हुनेछ।
आरम्भ प्रोडक्सनको ब्यानरमा फिल्म निर्माण हुने फिल्ममा मुनाल घिमिरेको लगानी रहनेछ । फिल्मको छायाँकन चाँडै नै सुरु हुँदैछ ।
