काठमाडौँ, १६ फागुनःप्रधानमन्त्री केपी शर्मा ओलीले नेपाल–जापानबीचको सम्बन्ध अब आयात–निर्यात क्षेत्रमा पनि विकसित हुँदै गएको बताउनु भएको छ।
तेस्रो नेपाल–जापान फ्रेन्डसिप समिट–२०२५ मा सहभागी जापानी टोली तथा नेपाली समन्वयकर्ताहरूसँग बालुवाटारमा भएको भेटमा उहाँले नेपाल र जापानबीच सरकारस्तर र जनस्तरमा लामो सम्बन्ध रहँदै आएको उल्लेख गर्नुभएको छ।
“नेपालीहरू रोजगारीका लागि जापान गएका छन्, नेपालबाट फापर जापान निर्यात भएको छ, जापानबाट गोल्डेन ट्राउट नेपाल भित्रिएको छ। हाम्रो मित्रता साकुराजस्तै फुलेको छ,” प्रधानमन्त्री ओलीले भन्नुभएको छ।
उहाँले युद्धले विनाश र शान्तिले विकास दिने जापानको उदाहरण प्रशंसनीय रहेको भन्दै विश्व शान्तिका लागि नेपाल पनि प्रतिबद्ध रहेको बताउनु भएको छ।
समिट आइडिया स्टुडियो नेपाल अन्तर्गतको लिडएक्स नेपाल र फोर्थ ल्भिायेको आयोजनामा फागुन १४ देखि १६ गतेसम्म काठमाडौंमा सम्पन्न भएको हो।




