झापा । बिर्तामोड नगरपालिका वडा नम्बर ७ मा निशुल्क आँखा शिबिर सम्पन्न भएको छ ।
वडा कार्यालयको आयोजना तथा पुर्वेली मजदुर यातायात प्रा.लिको सहआयोजनामा शिबिर सम्पन्न भएको हो । मेची आँखा अस्पताल सैनिकमोडको प्राविधिक सहयोगमा ज्येष्ठ नागरिक भवनमा सञ्चालित एक दिने निशुल्क आँखा शिविरको कार्यक्रमका प्रमुख अतिथि प्रदेश सांसद एकराज कार्कीले आँखा जाँच गरेर उद्घाटन गर्नु भयो ।
शिविरमा ४ सय ६० जनाले आँखा जाँच गराएका छन् । जसमा ३ सय ६० जनाले औषधी सेवन र १ सय ५० जनाले चश्मा प्रयोग गर्नु पर्ने देखिएको छ । यसै विच १७ जनामा मोतिया फेला परेको वडाअध्यक्ष कृष्णप्रसाद खरेल अविरलले जानकारी दिनु भयो । उहाँले मोतीयाविन्दुका ७ जना बिरामीको निुशल्क शल्यक्रिया हुने पनि बताउनु भयो । शिविरमा नेपाल चश्मा घर सैनिकमोडले चश्मा सहयोग गरेको थियो ।
शिविर उद्घाटन कार्यक्रममा नगर उपप्रमुख नगेन्द्रप्रसाद संग्रौला लगायत विभिन्न संघ संस्थाका प्रतिनिधिहरुले शुभकामना मन्तव्य राख्नु भएको थियो । आँखा जाँच गराउन सहभागी भएका २ सय ५ जनालाई हात्तीपाइले रोग विरुद्वको औषधीसमेत सेवन गरेका छन् ।
