काठमाडौं । सभामुख देवराज घिमिरे यही फागुन २७ देखि चैत २ गतेसम्म हुने अन्तर–व्यवस्थापिका संघको १४६ औँ बैठकमा भाग लिन शुक्रबार बहराइन जाने हुनु भएको छ ।
सभामुख घिमिरे ९ सदस्यीय नेपाली प्रतिनिधिमण्डलको नेतृत्व गर्दै फागुन २६ गते बहरानइ जान लागेको संघीय संसद् सचिवालयका सहप्रवक्ता दशरथ धमलाले जानकारी दिनु भयो । सभामुख घिमिरेले त्यसबीचमा नेपालका तर्फबाट बैठकमा सम्बोधन गर्ने कार्यक्रम छ ।
प्रतिनिधिमण्डलमा नेपाली कांग्रेसका मुख्य सचेतक रमेश लेखक, नेकपा एमालेका तर्फबाट राष्ट्रियसभा सदस्य इन्दु खकडरीया, नेकपा माओवादी केन्द्रका प्रमुख सचेतक हितराज पाण्डे र राष्ट्रिय स्वतन्त्र पार्टीका प्रमुख सचेतक सन्तोष परियारका साथै संसद् सचिवालयका महासचिव डा भरतराज गौतम र प्रतिनिधिसभाका सचिव गोपाल योगी सहभागी रहनेछन्। नेपाल संघको सदस्य राष्ट्र हो।
